Таче Провой кундем Ташнур ялысе тӱвыра пӧртыштӧ Марий Эл Республикын калык артистше ИГОРЬ АКТУГАНОВЫМ шарныме кас эрта.
• 20 ноябрь, 18:00
«Чодыраял Элыксандр»

Уста артистым да поро йолташым шарнен, шочмо кундемыштыже шÿлыкан комедийым модына. Шке жапыште тиде спектакльыште Игорь Витальевич пеш мастарын тӱҥ рольым чоҥен.

Тудо 30 ий утла, 1990-ше ийла тӱҥалтыш гыч пытартыш кечылаж марте Марий самырык театрыште тыршен, 100 утла образым чоҥен. Ила ыле гын, тений тудо пел курымаш лӱмгечыжым пайремла ыле🙏🏻